tg-me.com/X_8Wail/4119
Last Update:
مرات بتكون فاكر نفسك م ح تقدر تتجاوز موقف معين أو شخص معين بس الزمن ح يثبت لك العكس.. ح تمر بيك الايام وتبدأ تنسه وشويه شوية ح تكون اتجاوزت اي حاجة رغم صعوبة التجاوز لكن اي شيء في الدنيا دي قابل لتخطى.. ح تبدأ تفك نفسك تدريجيا من كل المواقف دي حتى لو كنت فاكر نفسك ما ح تقدر لكن كونك انسان ومن طبعك النسيان فحتنسه والزمن ح يبدأ يخت ذكريات تانيه ويتغاضه عن المواقف القديم لانو الزمن م ح يقيف على لحظة واحدة أو على شخص واحد... بس مرات حاجة بسيطة بترجعك لنقطة البدايه بتذكرك اي حاجة حصلت قبل كده كانو في حبل بشدك لنفس المكان من تاني بتجيك لحظة تغرقك من تاني.. وترجع لنفس الدوامه.. ح تتجمع كل الذكريات والمشاعر الحاولت تتخطاها وتعيش الموقف من تاني في لحظة ... بس عادي ذي ما قدرت تتجاوز في البدايه ح تقدر تاني.. ح تكون عامل ذي الطفل البتعلم المشى مرة تقيف وتمشي خطوتين وراء بعض ... ومره تقع لحد ما في يوم تتعلم تمش صاح .. ح تحس بأن الموقف ده اخد منك حاجه صعب تتعوض لكن مع مرور الزمن ح تعرف انو الموقف ده مجرد ندبات على قلبك م ح تالمك كتير بس أثرها موجود فيك كل ما حاولت تتذكروها
كل حاجه في الدنيا دي عندها نهاية واكيد المواقف والأشخاص الاثروا فيك بطريقة كسرت خاطرك نهايتهم التجاوز وتتخطهم بكل هدوء ورضا 🖤✨
الزمن بديك مواقف جميله ومواقف لازم تتخطاها المواقف الجميلة هي البتخليك تتخطى بسهوله.. وأكبر دليل على أنك قادر تتخطى.. كميه الناس الكانت مهمة عندك وهسع وجودهم وعدمو واحد.. أو الموقف القديم الكنت فاكر انو مستحيل يعدى وعمرك م ح تنساهو وانت هسع مستغرب ليه أديت الموقف ده كميه حزن أكثر من حقو.. تقريبا بتكون اتذكرت الموقف ده وهسع بتضحك على نفسك ✨
BY بـوح الــروح
Warning: Undefined variable $i in /var/www/tg-me/post.php on line 283
Share with your friend now:
tg-me.com/X_8Wail/4119